^

Banat Balita

Kagawad, polis sikop tungod sa drugas

Romeo Marantal - Banat

CEBU, Philippines — Barangay konsehal sa drug cleared nga barangay nadakpan ug nakuhaan og ilegal nga drugas human gisumbong sa mga katagi barangay ngadto sa ilang Barangay Anti-Drug Abuse Council (BADAC) nga mipadakop kaniya pinaagi sa Philippine Drug Enforcement Agency ug sa kapolisan sa siyudad sa Naga.

Ang maong kagawad sa Barangay Mainit mao si Renante Chiong, 50. Kinsa usa ka LGBT. Gidakop siya human gi-serve ang search warrant diha sa iyang panimalay kagahapon sa udto tungod sa matud pa kalambigitan niini sa ilegal nga drugas.

Nasakmit gikan kaniya mao ang 12 ka putos nga gituohang shabu nga adunay timbang 0.24 gramos, usa ka rolled aluminum foil, usa ka brown envelop ug duha ka cellular phone.

Matud pa ni Leia Albiar-Alcantara, ang tigpamaba sa PDEA-7 ang komunidad nitaho sa BADAC bahin sa matud pa kalambigitan sa maong kagawad sa ilegal nga drugas.

Tungod niini, gisugdan dayon nila ang pagpaniid kaniya hangtud nga kini nakompirmar ug gihimo ang maong operasyon.

Sumala pa ni Alcantara, base sa kasayuran nga ilang nakuha ang konsehal giingong manuyop uban sa mga minor de edad diha sa sulod sa panimalay niini.

Gani duna pay laing kaso unyang ipasaka batok niini nga sexual abuse human gipasanginlan sab kini nga nangmolestiya  og mga minor nga nagpuyo kaniya.

Ang maong barangay nalakip sa pito ka gideklarar nga drug cleared barangays sa maong siyudad apan bisan pa sa pagkasikop sa maong opisyal magpabilin ang pagka drug cleared barangay status sa Mainit kay wala man mohunong ang lugar sa pakigbatok sa ilegal nga drugas matud pang Alcantara.

Ang konsehal sa iyang bahin dihang gipangutana sa media wala magmahay sa nahitabo kaniya.

Nagtuo ang konsehal nga adunay pamolitika ang pagpadakop kaniya ug nigamit lang kini og tawo aron madala siya sa iyang ‘weakness.’

Sumala pa sa Konsehal gikan sila sa rehabilitasyon ug katapusan lang niyang migamit niadtong Lunes apan igo ra siyang mosuyop ug wala mamaligya.

Gihimakak sab niya ang pasangil nga nangmolestiya siya og mga bata. —

Polis nga pusher

Samtang nadakpan sab sa buybust operation ang usa ka aktibong polis , kapuyo niini ug laing kauban diha sa Barangay Poblacion sa Lungsod sa Badian kagahapon sayo sa buntag.

Ang nadakpan giila nga si Patrolman Apollo Baisac Concepcion alyas “Apolo Concepcion”, 41, nadestino sa Cebu Police Provincial Office, kapuyo nga si Charisse Uy Ylaya, 34, ug ang usa ka Raphael Jose Legarde, 21.

Matud pa ni Police Staff Sergeant Dennis Sun, imbestigador sa Badian Police nga taud-taud na nilang gipaniad-an ang illegal nga kalihokan ni Concepcion kay pirme kining hinganlan sa mga una nilang mga nadakpan sa ilegal nga drugas.

“Taud-Taud  na namo siyang gipanid-an upat na tingali ka bulan kay mag wala-wala jud ni siya tungod kay idlas pud kaayo ba tungod sa iyang binuhatan ba,” sigon ni Sun.

Sa ilang pagimbestigar, gikan ang drugas sa Dakbayan sa Sugbu apan sa dihang ilang gipangutana si Concepcion dili kini motug-an kun kinsa ang nag-supply niini kaniya.

Si Ylaya, ang ka live-in ni Concepcion nadakpan na sab kaniadto tungod sa pagpamaligya og ilegal nga drugas. Samtang si  Legardi maoy sulogoon sa illegal nga negosyo.

Atol sa pagpangronda nakuhaan silang tulo og 20 gramos nga mga pinutos ng daan nga gidudahang shabu nga mobalor og P136,000.00

Sa pikas bahin, 200 ka mga poliS sa Dakbayan sa Sugbo ang gipaubos sa drug test adlaw nga martes isip kabahin sa nagpadayong internal cleansing sa Philippine National Police sa ginsakupan niini.

Si Police Lieutenant Janette Rafter, Deputy City Director for Operations nga nahinabi sa mga tigbalita miingon nga  ang magpositibo sa maong drug test kay ipaubos sa imbestigasyon ug mag-atubang usab og kaso.— Rowena D. Capistrano/IBM (BANATNEWS)

ARRESTED

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with