CEBU, Philippines — Miabot sa 200 ka mga e-bike drayber ang gitapok sa opisyales sa barangay San Isidro, Dakbayan sa Talisay niadtong miaging adlaw.
Kini aron sila mosunod sa pag regulate sa ilang pagpamasahero.
Si kapitan Laida Restauro uban sa iyang mga konsehales nipasabot sa mga drayber nganong ilang gihimo ang lakang.
Una niini, si Jonathan Tumulak, pangu sa City of Talisay-Traffic Operation Development Authority (CT-TODA) hagbay ra nga nag awhag sa matag barangay nga mahinlo ang operasyon sa mga e-bike aron di makatampo sa kahuot sa dagan sa trapiko sa syudad sa Talisay.
Ang barangay Poblacion mao ang nag una nga naka aprubar sa ilang pag regulate sa e-bike apan nasango sa dihang giduso sa konseho sa siyudad.
Ang ilang gipaabot mao ang Internal Rules and Regulations (IRR) gikan sa kaulohan aron ilang masubay kung di ba mag alkontra ang regulasyon sa nasyonal ug sa lokal nga kagamhanan. MEL (BANATNEWS)