Tigpayuhot og drugas nadakpan
CEBU, Philippines — Gitanggong karon sulod sa detention cell sa Liloan Police Station ang usa ka gipasanginlang drug pusher human kini nadakpan sa kapolisan sa buy bust operation nga ilang gipahigayon sa Sitio Landing sa Barangay Catarman sa maong lungsod alas 6 pasado ang takna sa miaging Huwebes sa gabii.
$i Police Major Ramil Morpos nga hepe sa kapulisan sa maong lungsod miila sa dinakpan nga mao si Bethoveen Jayson Hilot, 28, nagpuyo sa maong dapit
Matud pa ni Morpos nga nakadawat sila og mga impormasyon bahin sa ilegal nga kalihokan sa maong suspetsado maoy nakaaghat kanila sa pagpahigayon og buy bust operation nga miresulta sa pagkasikop niini.
Nakuha gikan sa maong dinakpan ang lima ka gagmay pakete ug usa ka medium size nga nagkantidad og P34,000 ug nasakmit usab ang P500nga buy bust money. —/IBM (BANAT NEWS)
- Latest
