^

Banat Balita

Managkapuyo gituohang asset sa polis gipamusil

Romeo D. Marantal - Banat

CEBU, Philippines — Naangol ang managkapoy human pusila sa wala mailhing kriminal niadtong Martes sa hapon diha sa Barangay Mambaling, Dakbayan sa Sugbo.

Gikataho nga ang mga biktima naalaang mga asset sa kapolisan.

Si Police Major Jonathan Beethooven Taneo, hepe sa Mambaling Police Station niila sa mga biktima nga sila si Mercy Grace Creus, 33 ug James Salarita Carlon, 31, parehong walay trabaho ug nagpuyo sa maong dapit.

Base sa imbestigasyon sa kapolisan nga diha sa sulod sa ilang giabangan nga balay ang mga biktima diin kalit lang nga nisulod ang usa ka wala mailhing lalaki ug namusil gamit ang wala matino nga kalibre sa armas.

Unang naigo sa maong pagpamusil si Carlon diin nakaangkon kini og samad pinusilan sa iyang apapangig ug sa pagpaingon og gawas sa kriminal namusil na usab kini ug naigo si Creus diha sa iyang sampot.

Human sa maong hitabo daling nisibat ang kriminal pahilayo sa lugar.

Matud ni Police Staff Sergeant Renato Baldo, imbestigador sa maong hitabo nga si Creus nibutyag nga si Carlon gipasanginlang asset sa kapolisan diha sa ilang lugar tungod kay aduna kini higalang polis ug adunay drug activities diha sa maong dapit.

Gibutyag usab ni Creus nga adunay kalambigitan sa ilegal nga drugas ang iyang kapuyo ug sila usab tiggamitan og ginadiling drugas.

Ang mga sakop sa Cebu City Ambulance pinangulohan ni Jover Pontanar ang daling nidala sa mga biktima ngadto sa tambalanan.

Ang kapolisan nagpahigayon og follow up operation sa pag-ila ug pagsikop sa kriminal. —Letty G. Mariscal, CNU Intern ug Mary Rose A. Carciller, UV Intern/BDB (BANATNEWS)

SUGBO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with