^

Banat Balita

Cebu City Hall manangtang og kawani

Thea Sophia M. Disabelle - Banat
Cebu City Hall manangtang og kawani
Gitinguha sa mayor nga mahimong “substantially reduced human force” ang city hall. Base sa taho sa Cebu City News and Information, gisubli sa mayor sa “Budget Forum” kagahapon gusto niya nga mahimong mga “little City Hall” ang matag departamento.
FREEMAN/File

CEBU, Philippines — Tinguha ni Cebu City Mayor Michael Rama nga maminusan na ang mga kawani sa city hall sa sunod nga unom ka buwan agi og tubag sa “rightsizing” nga panawagan ni President Ferdinand “Bongbong” Marcos, Jr..

Gitinguha sa mayor nga mahimong “substantially reduced human force” ang city hall. Base sa taho sa Cebu City News and Information, gisubli sa mayor sa “Budget Forum” kagahapon gusto niya nga mahimong mga “little City Hall” ang matag departamento.

“After six months, we will have a substantially reduced human resource. There will be a no-nonsense rightsizing program,” matud pa ni Rama.

Gitahasan sa mayor si Atty. Josephus Jimenez, usa ka eksperto sa labor laws, sa pakigtambayayong sa Human Resource and Development Office (HRDO) sa maong butang.

Ang mga labaw sa mga departmento ug buhatan sa City Hall gihangyo usab ni Rama nga himuon ang “sound fiscal management” sa ilang tagsa-tagsa ka buhatan.

Gusto usab niya nga ipadayon nila ang mga programa aron madugangan ang kita sa syudad ug mapondohan ang ilang mga sugyot sa badyet alang sa pagpatuman sa mga proyekto para sa katawhan.

Gitaho ni Jerome Ornopia, City Accountant, atol sa budget forum nga nikubos ang koleksyon sa siyudad sa nakalabay nga tulo ka tuig.

Niadtong 2019, ang gross collection sa siyudad nikabat sa P7.7 bilyones. Mius-os kini ngadto sa P7.3 bilyones sa 2020, ug P6.6 bilyones sa 2021.

Tungod kini sa daghang mga negosyo nga nanirado tungod sa pandemiya.

Si City Treasurer Mare Vae Reyes misugyot nga umentohan ang singil sa mga serbisyo sa dakbayan. Gihangyo niya ang department heads sa pagduso og ilang kaugalingon nga mga sugyot aron makolekta sa iyang opisina.

Moandam ug mosumiter ang matag departamento ug opisina sa ilang tagsa-tagsa ka budget proposals.

Sundan kini sa mock budget hearing uban sa Local Finance Committee, pagpangandam sa Local Expenditure Program, ug pag-isyu og Budget Message gikan sa mayor.

Katapusan nga lakang mao ang pagsumite ngadto sa Sangguniang Panlungsod sa dili pa ang Oktubre 16 sa gisugyot nga executive budget para sa 2023. — UV Intern/IBM (BANAT NEWS)

CEBU CITY HALL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user