CEBU, Philippines — Usa ka negosyante nga namista ang gipusil-patay diha sa Purok 2, Barangay Tampaan, lungsod sa Aloguinsan niadtong Biyernes sa hapon.
Duha ka wala mailhing mga mamumuno nga nagmotorsiklo ang mipusil kang Gregorio Maambong Jr., 64, negosyante’g manokan ug l molupyo sa maong dapit.
Sila si Police Master Sergeant (PMSgt.) Receilito Kilaton daling miresponde sa dapit ug naabtan ang biktima nga nagbuy-od na sa yuta nga nakaangkon og samad pinusilan sa iyang ulo.
Gidala kini sa mga sakop sa Aloguinsan Municipal Disaster Risk Reduction and Management Office (MDRRMO) sa Carcar District Hospital apan nakabsan kini sa kinabuhi. Ang mga mamumuno daling miikyas luwan sa Rusi nga motorsiklo kolor puwa ug itom nga parehas og disenyo sa Honda XRM .
Nakuha gikan sa crime scene ang upat ka basiyo sa bala sa kalibre .45 nga pistola. — CNU Intern ug Mary Rose A. Carciller UV Intern/IBM (BANAT NEWS)