^

Banat Balita

Garcia supak nga mabuak ang Probinsiya sa Sugbo

Le Phyllis F. Antojado - Banat

CEBU, Philippines — Supak si Gobernador Gwendolyn Garcia nga mabuak ang Probinsya sa Sugbo kini human si Lapu-Lapu City Mayor Junard “Ahong” Chan nagkanayon nga suportado niya nga mahimong probinsiya ang Mactan island.

“I was, I am and will always be against Sugbuak”, matud ni Garcia.

Hinuon giklaro ni Chan nga bisan pa nga suportado niya nga maghimong Province of Mactan ang Isla sa Mactan sa pagkakaron dili pa kini maoy prayoridad sa Dakbayan sa Lapu-Lapu tungod kay kinahanglan pa nila nga tutokan ang recovery sa ekonomiya ug turismo sa siyudad human kini naapektohan sa pandemiya sa COVID-19 ug ubang kalamidad.

Si Garcia nagkanayon nga nanghinaot siya nga dili kini madayon tungod kay alang kaniya mas maayo nga usa ra ang Sugbo.

Si Chan sa iyang bahin, nagkanayon nga kon mahimong probinsiya ang Mactan Island maapil niini ang Lungsod sa Cordova. Apan si Garcia nagkanayon nga kinahanglan kini og plebesito gikan sa mga residente sa Probinsiya sa Sugbo. (Le Phyllis F. Antojado/BDB)

Garcia makigtigom alang sa pagpangandam sa Pasigarbo sa Sugbo

Usa ka tigom ang himuon karong adlawa ni Gobernador Gwendolyn Garcia tali sa mga mayor sa nagkadaiyang lungsod ug siyudad sa Probinsya sa Sugbo. Usa sa hisgotan sa tigom mao ang pagpangandam sa Pasigarbo sa Sugbo. “Para ma-discuss kinsay gusto nga maoy moapil para magahinan sad nato’g budget para tabang nila. Even wala pa kasugod ang kadtong mga mayor nga na reelected nagsugod-sugod na og preparer”, butyag ni Garcia. Si Garcia nagkanayon nga ang Pasigarbo karon susama ang pagpahigayon sa pre-pandemic nga panahon niadtong tuig 2019.

Ang Pasigarbo gihulagway kini nga Festival of all Festivals ug ipahigayon kini karong umaabot nga Agosto 28, 2022 diha sa Cebu City Sports Center.

Ang maong kalihokan subay kini sa ika-453rd nga founding anniversary sa Probinsiya sa Sugbo. Ang Pasigarbo sa Sugbo nahunong kini sulod sa duha ka tuig tungod sa pandemiya sa COVID-19 diin kataposan kining napahigayon niadtong tuig 2019. BDB (BANATNEWS)

SUGBO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user