CEBU, Philippines — Gisugdan na ang pagdaginot sa gasolina sa kapolisan sa Dakbayan sa Talisay gumikan sa way pagus-os sa presyo sa gasolina ug krudo.
Si Police Lt. Col. Randy Caballes, hepe sa kapolisan nibutyag nga kaniadto magroving ang ilang mga sakop sa matag oras.
Apan karon ilang gibuhat aduna silay giila nga standby point area sa mga strategic nga lugar ug diha na modagan kung adunay mga alarma.
Matud pa ni Caballes nga ang ilang buhatan makagasto og 50 litro nga gasolina matag semana.
Tinguha nila nga mapaubsan kini aron makadaginot samtang ang ilang komunikasyon sa mga force multiplier mao ang gipahingusgan.
Sa laing bahin gipasakaan og kaso labot sa ilegal nga sugal ang 20 ka lalaki nga gidakop sa managlahing barangay sa dakbayan sa Talisay.
5 ka sugarol ang nadakpan sa Lower Mohon, 10 sa barangay Pooc ug 5 sa Barangay Tabunok.
Si Police Lt. Col. Randy Caballes, nibutyag nga daghan ang mga tawo nga mosumbong kanila sa ilegal nga kalihukan. (BANAT NEWS)