Gullas niila sa fronliners isip bag-ong bayani
CEBU, Philippines — Atol sa pagsaulog sa Independence Day kagahapon giila ni Mayor Gerald Anthony “Sasam” Gullas Jr. sa Dakbayan sa Talisay ang mga tawo kaniadto kinsa nakigbisog aron makab-ot ang kagawasan sa nasud nga Pilipinas. Matud ni Gullas nga special karon nga Independence Day tungod kay hapit na usab kita makalingkawas sa pakigbatok sa COVID-19. Ubos sa duha ka tuig nga pakigbatok sa virus diha nakita ang sakripisyo sa bag-ong bayani nga mao ang frontliners.
“We owe our lives to our frontliners. If not for them, we will not be here”, matud ni Gullas.
Si Gullas usa sa nataptan kaniadto sa COVID-19 ug iyang nakita ang pagpaningkamot sa pakigbatok sa virus.
“That is why today we celebrate all our heroes. We celebrate the heroes who fought for independence in the past, but also the heroes who are currently fighting for our independence in the present”, dugang ni Gullas.
Sa laing bahin, gipadak-an ang health center sa Barangay Poblacion, Dakbayan sa Talisay ug gibag-o usab ang buhatan sa Lupon.
Si Kapitan Edward Alesna nagkanayon nga mao kini ang usa sa iyang tinguha nga natuman pinaagi sa tabang ni Gullas.
Matud ni Alesna nga nagkadaghan ang tawo sa Poblacion diin nagkinahanglan usab og dako nga hawan aron makahimo sa pag-atiman sa ilang konstituwenti.
Si Gullas ug ang mga konsehal sa siyudad nitambong uban sa opisyales sa Barangay Poblacion sa pagbendisyon sa edipisyo. BDB (BANATNEWS)
- Latest
