CEBU, Philippines — Gikumpirmar ni acting mayor Donaldo ‘Dondon’ Hontiveros nga nag-leave si Mayor Michael Rama gikan sa Mayo 26 hangtud sa Hunyo 3, 2022.
Wala gibutyag ni Hontiveros ang rason sa pagduso og leave ni Rama.
Gipasalig ni Hontiveros nga magpadayon ang iyang pagtrabaho alang sa nagkadaiyang programa sa siyudad.
Si Hontiveros outgoing kini sa iyang pagka-bise mayor ug mobalik na unya sa iyang pagka-konsehal karong Hunyo 30, 2022 human kini nakadaog sa maong posisyon sa nilabay’ng eleksiyon.
Matud ni Hontiveros nga dili na bag-o kaniya ang makadaw makadawat og mga dagkong tahas sa siyudad. Si Honteveros mao kini ang gipadumala kaniadto kauban si Konsehal Jocelyn Pesquera sa New Oasis for Adaptation and Home (NOAH) Complex nga nahimong quarantine facility hangtud nga gihimo kining vaccination site.
Gipaniguro ni Hontiveros nga mahimong hapsay ang pagdala niya sa siyudad ug mo-umol og lapad nga koordinasyon sa kapolisan alang sa pagmentinar sa kalinaw.
Si Honteveros ug Rama parehong kaalyado sa Partido Barug. — (/BDB) (BANAT NEWS)