CEBU, Philippines — Ang Kapitolyo gikatakdang mo ugmad og bulk water project diha sa 27 ka lungsod ug siyudad sa Probinsiya sa Sugbo.
Tumong niini nga mas dali na maka-access ang mga residente sa Probinsiya sa Sugbo sa tubig.
Matud ni Gobernador Gwendolyn Garcia nga nasugdan na ang pag-bidding sa maong proyekto alang sa mga lungsod sa Argao, Barili ug San Fernando.
Gibana-banang moabot ngadto sa P7 bilyones ang maong proyekto.
“We will development bulk water in each of these municipalities and from the main transmission lines we will also put in new distribution lines so that this will now be at up to level 3”, matud ni Garcia.
Aduna nay feasibility study ug detailed engineering sa maong proyekto.
Si Garcia nagkanayon nga adunay usa ka private firm nga nipadayag og interest nga mo invest niini mao nga posibleng ipaubos kini nga proyekto sa Public-Private Partnership (PPP).
“Sa PPP ang impotante diha nga the government will be there to see to it nga ang tariff will be people friendly, always protecting the interest of the people, of the Cebuanos”, dugang ni Garcia. BDB (BANATNEWS)