CEBU, Philippines — Nadakpan sa kapolisan ang pito ka tawo nga nagtigbakay didto sa sitio Roseville, barangay Lawaan 1, Dakbayan sa Talisay niadtong milabay’ng adlaw.
Ang nasikop mao sila si Rusel Tampos Bucao, 27 anyos; Aldrin Francisco, 21 anyos; Dale Delima Bucao, 50 anyos; Glenn Echavez Igloria, 42 anyos; Randy Juario Arconia, 35 anyos; Juphin Lastimosa, 23 anyos ug si Michael Pinote Villacarlos, 36 anyos.
Ang kapolisan pinangulohan ni Police Lt. Col. Randy Caballes nagpahigayon of foot patrol ug ilang naatlan ang maong mga tawo nga nagkalingaw sa pagpahigayon sa tigbakay hinungdan nga gidritsu na nila kini og dakop.
Nagkarambola ang mga sugarol apan ang pito maoy dali nila nga nasikop.
Lima ka mga manok igtatari ug P1, 150 nga salapi ang nakuha nga ebedensya sa kapolisan.
Gikatakda na nga pasakaan og kaso ang mga sugarol nga gitanggong na sa bilangguan. —MEL (BANATNEWS)