^

Banat Balita

Mga ordinansa sa Cebu City sugdan na sa pag-implementar

Sanden J. Anadia - Banat

CEBU, Philippines — Ang pagsugod sa implementasyon sa nagkadaiyang mga ordinansa maoy usa sa atimanon ni Konsehal James Anthony Cuenco.

Si Cuenco ang subling napili sa maong posisyon sa nilabay’ng eleksiyon.

Usa sa nahisgotan sa konsehal mao pagduso sa taud-taod na nga giplano nga mass transport system sa Dakbayan sa Sugbo.

Sa pagkakaron, si Cuenco maoy chairman sa committee on transportation ug committee on house rules and oversight sa city council.

Matud ni Cuenco nga lakip sa mga pending nga ordinansa mao ang disaster resiliency nga gusto niyang ipatuman na. Gipasabot ni Cuenco nga ang maong lakang maghatag og kahigayonan sa mga residente nga makapangandam kon adunay mga katalagman o emerhensiya nga moigo sa siyudad. Sa samang proposed ordinance, ang business permits dili maisyu sa mga kompaniya kansang serbisyo o produkto importante kaayo sa katilingban kon dili motuman sa average daily supply nga kinahanglanon.

Matod usab ni Cuenco nga ang laing pending nga ordinansahonon mao ang crematorium.

Napanaminan ni Cuenco ang panahon nga nisaka ang kaso sa COVID-19 sa nilabay’ng mga tuig diin daghan kaayo ang nangamatay ug taas kaayo ang linya alang sa pagpa-cremate. Ug kon maimplementar na ang maong ordinansahonon ibre ang crematorium alang sa mga residente sa siyudad.

Si Cuenco nagkanayon nga plano nga tukoron ang crematorium diha sa South Road Properties.

Plano usab niya ang pag-umol og “one-stop shop” alang sa pag-isyu og nagkadaiyang permit. BDB (BANATNEWS)

JAMES ANTHONY CUENCO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with