CCHD mobalik na og pamakuna
CEBU, Philippines — Karon nga nahuman na ang national ug local elections ang Cebu City Health Department mobalik na sa pagpamakuna kontra COVID-19.
Kini maoy gibutyag ni Dr. Jeffrey Ibones, officer-in-charge sa Cebu City Health Department.
Matud ni Ibones nga anaa nay schedule nga gihatag ang Department of Education Cebu City Division alang sa vaccination nga himuon sa mga tunghaan sa Siyudad sa Sugbo.
Aduna sila’y naka-schedule nga second dose sa COVID-19 nga wala nila mahimo gumikan kay na busy ang ilang mga tawo ug balikan nila kini karon.
Matud usab ni Ibones nga sa niaging semana nihinay ang ilahang pagpamakuna tungod kay wala sila’y gibutang nga pop vaccination tungod usab sa pagpangandam sa ekeksiyon.
Nunot niini, si Ibones nagkanayon nga dili mahitabo ang gikabalak-an sa kadaghanan nga adunay lockdown nga mahitabo.
Ang existing vaccination sites sa Cebu City Government anaa diha sa Cebu City Hall, SM Seaside City Cebu, SM City Cebu, Robison’s Galleria, UC Banilad, NOAH, I.T Park, Il Corso. BDB (BANATNEWS)
- Latest
