CEBU, Philippines — Gitinguha sa Archdiocese of Cebu ang pag-umol og service center sa matag parokya aron moabag sa problema sa mga parokyano ilabi na sa mga kabus.
Sa report sa CBCP News , gibutyag ni Archbishop Jose Palma nga pagatawgon kini og “Parish Caritas” nga gitumong sa pag-localize sa pagmugna ug pagpatuman sa mga programa base sa aktuwal nga panginahanglan sa mga tawo.
Matud niya, ang mga parokyano anaa sa "labing maayo nga posisyon" aron mahibal-an kung unsang mga programa ang tinuod nga makatubag sa ilang mga concern.
Ang Parish Caritas, magdala og mga programa sa humanitarian, developmental, hustisya ug kalinaw.
Samtang usa kini ka parish-based ministry, iyang gipasabot nga ang mga aktibidad ug proyekto niini kinahanglan pa nga i-report ug i-coordinate sa Caritas Cebu.
Ang matag parokya nag-umol og mga relief operations, ingon man aduna usab kini programa alang sa pag-atiman sa kalikopan. —MEL (BANATNEWS)