CEBU, Philippines — Lider nga sinsero og panglantaw para sa kaayohan sa katawhan ang usa sa mga hiyas nga angay pangitaon sa mga botante ning nagsingabot nga eleksyon sumala pa ni Cebu Archbishop Jose Palma.
Subling giklaro ni Palma nga ang Archdiocese of Cebu ug ang tibuok Simbahang Romano Katoliko sa nasud dili ug wala moendorsar og kandidato.
Apan isip mga pastol sa katawhan mopagawas sila og tamdanan para sa mga botante kun unsa nga mga hiyas ug mithi sa mga kandidato nga angay ug haum sa pwesto.
Gipahimangnoan ni Palma ang katawhan nga magmatngon aning mga fake news, misinformation ug disinformation diha sa social media ug gamiton ilang hunahuna ug kasingkasing sa paghukom sa mga impormasyong ilang mabasa. —/IBM (BANAT NEWS)