^

Banat Balita

Mga kandidato sa Cebu City mipirma sa peace covenant

Decemay Padilla - Banat

CEBU, Philippines — Malinawon ug hapsay nga piniliay ang panghinaot sa mga mitambong sa peace covenant signing nga gipahigayon kagahapon sa buntag sa Cebu City Police Office alang sa mga kandidato sa Siyudad sa Sugbo.

Ang maong kalihukan gitambungan sa kadagkuan sa Police Regional Office (PRO)-7, Cebu City Police Office, Philippine Coast Guard, Visayas Command, Department of Interior and Local Government (DILG) Cebu City, Election Officers sa Commission on Elections Cebu City ug mga lokal nga kandidato.

Si Atty. Edwin Cadungog, Election Officer sa COMELEC Cebu City North District miasoy nga ang maong kalihukan nagpakita sa tinguha sa mga partisipante sa malinawon ug katuohang piniliay sa siyudad.

“This momentous event exemplifies the desire and willingness of the attendees or participants to observe the rule of law,” sigon ni Cadungog.

Si Cebu City South District Election Officer Marilou Parides nanghinaot nga dili lang ‘for compliance’ ug kinasing-kasing gyud ang pagtambong sa mga kandidato.

Human makahatag sa ilang mga mensahe namirma dayon sila peace covenant ug ceremonial wearing of SAFE pin ug nagpalupad og kalapati nga simbolo sa kalinaw.

Mitambong ug mipirma sa panaad sila si Cebu City Mayor Michael Rama, kanhi Cebu City Councilor Margarita Osmeña sa Bando Osmeña Pundok Kauswagan(BOPK) nga midagan pagkamayor sa siyudad,  incumbent City Councilor ug independent mayoral candidate Dave Tumulak.

Apil sa mitambong ang independenteng kandidato pagka kongresista sa North District nga si Richard Yap.

Sa laing bahin, malampuson sab ang covenant signing nga gihimo sa Mandaue City niadtong miaging Lunes nga gitambongan ni Mayor Jonas Cortes ug ubang mga kandidato apil iyang mga kaatbang sama ni kanhi konsehal Olin Seno .

Lakip sa mipirma si Mandaue City Lone Congressional District Emmarie Ouano-Dizon.

Sa habig sa Cebu Provincial Police Office, si Police Colonel Engelbert Soriano miingon nga  wala pa silay namonitor nga mga private armed groups(PAGs) nga posibleng magtisok og kasamok sa umaabot nga piniliay.

Si Soriano miingon nga nagpadayon ang pagmonitor sa situwasyon aron magpabiling hapsay ug malinawon ang umaabot nga eleksyon.— Romeo Limpangog, Rowena D. Capistrano/IBM (BANATNEWS)

DILG

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with