^

Banat Balita

Curfew dili ibalik, police visibility pangusgan

Decemay Padilla - Banat

CEBU, Philippines — Bisan paman sa nahitabong kagubot sa siyudad sa Sugbo niadtong adlaw’ng Sabado nga naglambigit og mga batan-on ug nag-viral sa social media ang Cebu City Government wala’y plano nga ibalik ang curfew sa mga hamtong.

Sigon ni Konsehal Joel Garganera, pangulo sa Emergency Operations Center Cebu City nga dili gusto si Mayor Michael Rama nga balikon ang curfew.  Sa pagkakaron, ang mga menor de edad lang maoy padayong sakop sa curfew.

“We will increase police visibility in areas nga mag-hangout or naay mag-dispense og liquor, we will increase our visibility…So dili lang kay protocol compliance but also peace and order mo man gyud nay mandate sa police ang peace and order so we will increase their visibility nianang dapita,” sigon ni Garganera.

Nagpahinumdom hinoon ang konsehal sa mga tawo ilabi na kadtong moadto sa mga bars nga hinay-hinay lang sa pag-inom ug likayan nga malambigit sa kagubot.

Human nga ni-viral sa social media ang video sa dili momenus napulo ka mga batan-on nga nagkagubot ug nagsinumbagay. 

Si Rama nagkanayon nga dili na siya buot nga mobalik pa sa sitwasyon kaniadto nga istrikto ang siyudad sa curfew.

“I am directing and telling all of them I do not want to let go the sort of Damocles but I am as your Mayor I wish they deserve the freedom and then of course the shared responsibility and then do the self-policing,” sigon ni Rama.

Nasayran nga ang mga police personnel gikan sa Regional Mobile Force Battalion nga gi-augment sa Cebu City nagpabilin pa gihapon.

Si Lt. Colonel Wilbert Parilla, Deputy City Director for Operations sa CCPO nagkanayon nga gawas sa maong rambol sa Lahug niadtong Domingo sa gabii nakadawat sab sila og taho nga adunay nahitabong overcrowding sa dalan sa Mango Avenue nga nahitabo usab niadtong niaging weekend.

Matud pa ni Parilla, ang police visibility sa maong mga establisemento magsugod sa alas-12 sa tungang gabii hangtod alas-5 sa kaadlawon sugod karong umaabot nga Biyernes subay kini sa direktiba ni Rama.

Si Parilla miingon nga kinahanglan balik-balikon pagpahimangno ang publiko nga naa pa gihapon ang hulga sa COVID-19 mao nga di maayong magkumpiyansa.— Iris Hazel Mascardo/IBM (BANATNEWS)

CURFEW

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with