CEBU, Philippines — Gipasidunggan ni Kongresista Paz Radaza ang upat ka mga Oponganon nga nalakip sa top 10 sa Licensure examination for teacher.
Gawas sa certificate of recognition gihatagan usab niini og salaping cash ang upat ka toptnotcher gumikan sa ilang kalampusan kinsa nakahatag usab og dakong garbo sa mga Oponganon.
Naglakip sa upat nga naapil sa top 10 mao ang usa ka tinun-an sa Lapu-Lapu City College nga iyang namugna dihang mayor pa siya kaniadto sa maong dakbayan.
Sa iyang mensahe si Kongresista Radaza mipadayag sa iyang kahinangop tungod sa kalampusan nga naangkon sanglit ang iyang giumol nga tunghaan wala man usab magpabintaha sa ubang tunghaan.
Gipadayag usab ni Radaza ngadto sa mga Oponganon ang iyang nahimo isip kongresista nga naglakip sa napalabang niining mga balaodnon sa kongreso ug napatuman niyang mga proyekto sa Dakbayan sa Lapulapu. —MEL (BANATNEWS)