CEBU, Philippines — Naa na sa 65 porsiyento ang fully vaccinated kun kompleto na sa bakuna batok COVID-19 sa Dakbayan sa Naga.
Kini base sa labing uwahing talaan sa dakbayan niadtong Enero 18 ning tuiga.
Sa kinatibuk-an nila nga nabakunahan niabot na sa 147,743 nga gilangkuban sa unang dose ug ikaduhang dose.
Sa ilang talaan, adunay 70 ka aktibong kaso ang siyudad ug 109 ang nangamatay.
Apan sa ilang ihap naa sa 1,302 ang tanan nga kwentada sa natakdan sa COVID-19 ug 109 ang nangamatay, samtang ang nakarekuber niini niabot og 1,115.
Subay niini giawhag sa kagamhanan ang katawhan nga kadtong wala pa nakapabakuna hayan magpaturok na samtang dili pa uwahi ang tanan. —MEL (BANATNEWS)