^

Banat Balita

148 gidakop atol sa Sinulog

Iris Hazel Mascardo - Banat

CEBU, Philippines — Di mominos 148 ka mga protocol violators ang nasikop sa Cebu City Police Office (CCPO) sa Oplan bulabog nga gipahigayon atol sa gabii sa kasaulogan sa Fiesta Señor 2022 niadtong Domingo.

Si Police Lt. Colonel Alan Rosario, Officer-in-charge sa Police Community relations nagkanayon nga 18 niining 148 ka mga protocol violators mga menor de edad.

Samtang 92 ka mga hamtong sab ang gisikop tungod sa paglapas sa curfew ordinance samtang 22 ang nadakpan nga wala magsul-ob og facemask.

Hinuon, gihulagway niya nga kalamboan gihapon kini tungod gamay ra ang nasakpang malapason ug natuo siya nga tungod kini sa presensya sa kapolisan diha sa kadalanan ug paghingusog sa Oplan Bulabog.

“Dahil na rin hindi nalang sa mga main kundi pati mga kasulok-sulokan ay pinasok narin natin para masiguro natin na na implement ang city ordinances in relation sa COVID-19 situation sa Cebu City,” matud pa ni Rosario.

Gawas niini, nakatampo sa gidaghanon sa mga malapason sa protocol nga ilang nasikop naglingaw-lingaw sa kapistahan.

“Yun rin ang isa sa nag-attribute kung bakit maraming nahuli na nasa labas,” matud pa ni Rosario.

Hinuon gidugang niya nga walay major untoward incident ang nahitabo sa tibuok selebrasyon.

Sa susamang gabii, ang kapolisan sa CCPO nisusi usab na dili mominos 240 ka mga establisemento aron pagsiguro nga ang mga tag-iya nagsunod sa health guidelines ilabina sa pagdili sa mga tawo nga wala pa mabakunahan sa pag dine-in.

Wala pa hinuon kini makapagawas og lista kun pila ka establisamento ang nakalapas.

Miapelar ang CCPO sa publiko nga  mosunod sa mga health protocols aron mapugngan ang pagtaas sa kaso sa COVID-19.

“Kung wala ka rin lang naman importanteng lakad sa labas ay mag stay nalang sa bahay,”matud ni Rosario.

Sa pikas bahin, si Cebu City Mayor Michael Rama nagpasalamat sa mga Sugboanon sa ilang kooperasyon ug pagsabot sa sitwasyon ug kadtong mga wala magpabadlong atol sa kapistahan.

“Salamat kaayo sa tanan sa pag-apil niadtong mga kalihukan nga wala magpabadlong, salamat sad sa katong sigeg panaway mao sad toy nakahatag kanamo og challenge nga kinahanglan trabahuon gyud namo,” sigon ni Rama.

Si Rama miapil sa mobile procession apan wala na kini miadto pa sa siyudad sa Talisay ug adto nalang kini nagpaabot sa Cebu-Cordova Link Expressway nga maoy giagian sa imahe pabalik sa dakbayan sa Sugbo.

Gipasalamatan sab ni Rama ang kapulisan, ang mga volunteers ug ingon man ang tanan nga apil sa kalihukan ilabi na kadtong nanglimpyo sa kadalanan sa siyudad.

Kahinumduman nga gipaagi sa virtual show ang Sinulog karong tuiga  tungod sitwasyon sa nasud nga padayon pang nakigkumbati sa COVID-19 kini aron sab nga malikayan ang panagtapok sa mga tawo ug dili mokuyanap ang sakit. –Sanden Anadia/IBM (BANATNEWS)

SINULOG

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with