64 ka barangay sa Cebu City wala nay transmission sa COVID-19

CEBU, Philippines — Si Cebu City Councilor Joel Garganera, Deputy Chief Implementer for Inter-Agency Task Force Emergency Operations Center Cebu City nagkanayon nga sa nilabay’ng 14 ka adlaw  64 ka barangay sa Dakbayan sa Sugbo ang wala nay reported nga transmission sa COVID-19.

Matud ni Garganera nga 16 nalang ka Barangay sa Cebu City ang nagpabilin nga dunay reported transmission sa COVID-19 sa nilabay’ng 14 ka adlaw.

Lakip sa mga barangay nga aduna pay kaso sa COVID-19 mao ang Guadalupe, Lahug, Apas, Talamban ug Day-as.        

Ang Dakbayan  sa Sugbo gilangkuban kini sa 80 ka barangay.         

Apan bisan pa niini, si Garganera nihangyo sa katawhan nga dili gihapon mokompiyansa ug padayon nga mosunod basic health protocols aron malikayan nga subling mosaka ang kaso sa COVID-19 sa siyudad.“All it takes for COVID nga mokuyanap kong naay pila nato magpabadlong unya ang kaning 90 porsyento nga nagtuman mao na hinuon ang maangin, so kitang tanan magpakabana gyud more than anything else”, dugang ni Garganera. Rowena D. Capistrano/BDB (BANATNEWS)