CEBU, Philippines — Gipahibawo ni Dr. Jeffrey Ibones, pangulo sa Cebu City Health Department nga wala pa sila kasugod sa profiling sa mga batan-on sa Siyudad sa Sugbo nga nag-edad og 12 ngadto sa 17-anyos aron mabakunahan batok sa COVID-19.
Matud ni Dr. Ibones nga nagpaabot pa sila sa guidelines sa Department of Health kalabot niini.
Base sa 2019 census sa siyudad niabot sa 198,000 ang gidaghanon ka batan-on nga nag-edad og 10-anyos ngadto sa 19-anyos ug ang maong datos gipasa nila kini ngadto sa Department of Health-7 sa niaging tuig.
Subay niini, si Cebu City Acting Mayor Michael Rama nagkanayon nga mao kini ang iyahang mando sa Cebu City Health Department ingon man sa ubang nalambigit sa vaccination program sa siyudad.
“We have to proceed in the same manner other Local Government Unit are into in having the 16 to 12-years old. Anyway that is the direction”, ni Rama pa.
Dugang ni Rama nga tukion nila ang maong hisgotanan uban sa mga tawo nga hingtungdan. BDB (BANATNEWS)