CEBU, Philippines — Gibisita ni Chief PNP General Guillermo Eleazar, ang pipila ka mga police stations sa habagatan nga bahin sa Probinsya sa Sugbo aron sa pagsusi sa iyang programa nga "Intensified Cleanliness Policy" (ICP).
Unang gibisita ni Eleazar mao ang lungsod sa Boljoon, diin nisulod siya sa Parokya ni Nuestra Señora del Patrocinio de Maria Parish Church, sulod sa 5 ngadto sa 10 minutos.
Lakip sa iyang giadto ang Lungsod sa Oslob ug Santander alang sa iyaha pa nga pag inspeksyon.
Gawas sa Inspeksyon si Eleazar gitambongan usab niini ang kalihukan nonot sa pag-retiro na ni Police Brigadier General Ronnie Montejo ang kanhi PRO7 Regional Director.
Si Gen. Roque Eduardo Dela Peña Vega mao ang miasumir isip bag-ong director sa Police Regional Office (PRO)-7 hulip ni Montejo. Gipahigayon ang turnover of command kagahapon, Septiyember 29, 2021 dinhi sa Sugbo. —MEL (BANATNEWS)