CEBU, Philippines — Gitugotan sa hunta probinsyal si Gobernador Gwendolyn Garcia nga mosulod og kasabotan uban sa Technical Skills Development Authority (TESDA) alang sa pagpahigayon og skills training sa mga Sugboanon nga kwalipikado ug nawad-an og trabaho atol sa pandemya sa COVID-19.
Ubos sa maong programa ang TESDA maoy mohatag og training sa mga Sugboanon nga moqualify aron mahanas sa lain lain nga skills sama sa pagluto, baking, welding, agircultural production ug uban pa.
Ang kapitolyo mogahin og P100 million alang sa maong programa kon diin iapod-apod kini ngadto sa mga provincial board members nga tag P 5milyones ug buhatan sa bise gobernador nga makadawat og P15millon) alang sa pagpatuman sa maong programa.
Ang programa gipaabot nga mapatuman sa bulan sa Oktubre karong tuiga.
Wala pa mohatag ang Kapitolyo sa dugang detalye o tukma nga guidelines kalabot sa maong skills training and development program. —MEL (BANATNEWS)