_banat
^

Banat Balita

Pagmisa sa mga sitio chapel gidili gihapon

Sanden J. Anadia - Banat

CEBU, Philippines — Gilugwayan og usa ka buwan ang lagda nga nagdili sa pagpahigayon og misa ug ubang relihiyosong kalihukan sa mga sitio chapel.

Suma pa ni Konsehal Joel Garganera pangu sa Cebu City Emergency Operations Center (EOC) nga mao kini ang ilang nahukman human sa ilang tigum tali sa Archdiocese of Cebu ug nipagawas na og kamandoan ang kadagkoan sa simbahan alang sa maong katuyoan ug pirmado kini ni Archbishop Jose Palma.

Lakip usab sa gidili sa tibuok buwan sa Agosto mao ang mga novena, piyesta ingon man usab ang binuwan nga misa sa mga chapel.

Niadto ra untang buwan sa Hulyo ang maong kamandoan apan tungod sa kataas sa kaso sa COVID-19, gi-extend kini og usa ka buwan.

Matud pa ni Fr. Jonathan Rubin, head sa Cebu Archdiocesan Digital Communications Ministry (CADComM), nga nikooperar ang simbahan sa kampanya sa gobyerno alang sa paglikay sa gikahadlokan nga virus.

“Ang maong desisyon kay alang rapud sa kaluwasan sa tanan. Bisan pa man nga naa ra ta sa atong panimalay, makapadayon raman gihapon ta sa atong debosyon sa Ginoo,” suma pa ni Father Rubin nga nahinabi sa Banat News kagahapon.

Bisan nagpabilin nga naka -modified general community quarantine MGCQ ang Dakbayan sa Sugbo, gipahibalo sa EOC nga dili sila molugak sa pagpatuman sa safety and health protocols.  Usa sa ilang rekomendasyon karon mao nga immediate family ra gyud ang mahimong mouban sa lubong sa mga minatay aron dili magdumog ang daghang tawo.

Suma pa ni Garganera nga nihimo na siya og konsultasyon karon sa kabaranggayan, kapolisan ug kadagkoan sa simbahan alang sa maong tingoha. —MEL (BANATNEWS)

RELIGION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with