CEBU, Philippines — Gitinguha ni Mayor Junard “Ahong” Chan nga ma-blacklist na sa Department of Public Works and Highways ang contractor sa drainage project diha sa Barangay Pajac, Dakbayan sa Lapu-Lapu.
Kini human sa nahitabong aksidente sa duha ka sakyanan nga nahulog sa gikawot nga lungag.
Nasayran nga niadtong Hulyo 11, 2021 usa ka tricycle ang nahulog sa lungag diha sa nahisgutang lugar ug grabeng naangol ang drayber lakip ang asawa niini kinsa sakay niadtong higayona
Dugang ni Chan nga ang maong contractor napakyas sa pagbutang og early warning devices nga naglakip sa yellow line ug concrete barriers sa gikawot nga bahin sa dalan nga hinungdan nga dili makabantay ang motorista. —BDB (BANATNEWS)