_banat
^

Piyansadong ginang gipatay

Rowena D. Capistrano (Banat) - June 18, 2021 - 12:00am

CEBU, Philippines — Usa ka ginang ang gipusil patay samtang kini natulog sa ilang balay sa may Sitio San Juan, Barangay Mambaling, Huwebes sa buntag. Ang mamumuno wala pa mailhi sa kapolisan.

Ang biktima nailhan nga si Josephine Rollon. Ang ugangan sa biktima nibutyag samtang naghinlo kini og isda adunay lalaking nangutana kung aduna bay agianan lutsanan sa ilang lugar apan iyang gitubag nga wala. Sunod nalang niyang nadunggan ang sipa nga buto ug sa pagsusi nilang magtiayon nasugatan nila ang maong lalaki kinsa nangutana nila kung “apil ba sila.”

Sa pagsusi sa ginang sa iyang umagad nahagba na kini sa yuta ug nagkadugo nga adunay samad pinusilan.

Wala gayud sila masayod kun unsay rason nga pagpatay iyang umagad nga naa ra man kini pirme sa ilang balay ug manawat og magpa manicure.

Apan ang biktima giingong nadakpan niadtong 2019 tungod sa kaso sa illegal nga drugas ug nakapiyansa ug bag-o lang usab nadakpan tungod napud sa illegal nga sugal.

Ang biktima giingong, ‘asset-asset’ sa lugar ug maoy posibleng gituohan nga hinungdan sa pagpatay kaniya. Si Police Executive Master Sergeant Jeffrey Larrobis miingon nga tak-om ang baba sa mga residente sa lugar mahitungod sa kamatayon sa biktima.

Samtang ang kapulisan sa Punta Prinsesa Police Station mohimo usab og imbestigasyon bahin sa kamatayon sa usa nila ka dinakpan sud ilang detention cell.

Si Marie Ann Negro, 39, taga Barangay Quiot ning dakbaya usa sa mga nadakpan sa gilusad nga Simultaneous Anti-Criminality Law Enforcement Operations (SACLEO) niadtong milabay’ng gabii tungod sa ilegal nga drugas.

Matud pang Police Lieutenant Colonel Wilbert Parilla, Deputy Director for Operations naghigot og panapton sa iyang liog gikan sa iyang sinina nga nakaingon sa pagkatuok niini.

Nabantaya kini nga naglingkod na sa sawog ug wala na maglihok sa dihang gihatdan og pagkaon.

Si Parilla miingon nga mohimo sila og imbestigasyon may kalabutan sa maong insidente ug ilang irekomendar nga ipa- otopsiya kini. —IBM (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with