Mactan Airport temporaryong dili modawat og international flights

Ang MCIA niklaro nga dili magsirado ang tugpahanan tungod kay padayon gihapon ang domestic flights ug ang kanselado lang ang international flights.
STAR/File

CEBU, Philippines — Gipahibalo ni Gobernador Gwendolyn Garcia sa Probinsiya sa Sugbo nga temporaryong dili modawat og international flights ang Mactan Cebu International Airport sulod sa duha ka adlaw sugod karong adlawa.

Kini tungod kay ang 2,500 ka quarantine rooms sa 35 ka hotels nga gi-identify isip quarantine facilities napuno na.

Ang MCIA niklaro nga dili magsirado ang tugpahanan tungod kay padayon gihapon ang domestic flights ug ang kanselado lang ang international flights.

Subay niini, si Garcia nagkanayon nga ang tanang Overseas Filipino Workers ug Returning Overseas Filiponos nga moabot sa MCIA ipaubos kini sa RT-PCR test ug maghulat og duha ka adlawa sa resulta.

Sa mga Sugboanong OFWs ug ROFs nga negatibo sa COVID-19 base sa resulta sa swab test makauli dayon sa ilang mga lungsod ug adto na kini mopaubos sa home quarantine.

“On the 7th day, they will be swabbed again, free of charge by the DOH, kay mao naman ni ang atong practice, libre ang swabbing, they will be tested again sa mga Cebuanos”, butyag ni Garcia.

Advertising
Scroll to continue

Ang dili Sugboanon nga OFWs ug ROFs magpaabot gihapon sila sa ilang resulta sa test apan kinahanglan sila nga mo-comply sa mga rekisitos.

Ang OFWs ug ROFs nga dili taga Sugbo kinsa wala maka-comply sa mga rekisitos dili kini makasulod sa Sugbo. Ang maong OFW o ROF nga negatibo ang resulta sa test temporaryong mo-estar sa hotel o designate holding area sa MCIA hangtud sa sunod nila nga flight pauli sa ilang home LGU. —BDB (BANATNEWS)

Show comments