Gullas nihangyo kang Garcia nga magpabilin isip gobernador
Cebu, Philippines — Nihangyo si Mayor Gerald Anthony “Samsam” Gullas Jr. sa Siyudad sa Talisay kang Gobernador Gwendolyn Garcia nga unta magpabilin kini nga inahan sa Probinsiya sa Sugbo.
Kini human nasayri ni Gullas nga adunay grupo nga nituboy kang Garcia nga modagan pagkasenador apan si Garcia wala nisanong niini. Ang igsuon ni Garcia nga si Kongresista Pablo John Garcia sa 3rd district natahap sa grupo nga nituboy sa gobernadora.
Matud ni Gullas nga dako og nahimo si Garcia sa Probinsiya sa Sugbo.
Ug iyaha kining napamatu-an dihang giatubang ang pandemiya nga pwerting lisora sa sitwasyon sa katawhan.
Gibutyag ni Gullas nga nipadangat siya og mensahe sa text ngadto kang Garcia diin iyaha kining gihangyo nga magpabilin sa Probinsiya sa Sugbo tungod kay dako kaayo kini og mahimo.
“She is needed in Cebu during these challenging times. I personally texted her to ask her to stay as gov.”, butyag ni Gullas. (BANAT NEWS)
- Latest
