CEBU, Philippines — Susihon unya ni Police Colonel Engelbert Soriano, ang Cebu Provincial Police Office Director ang pagbukas sa Kawasan Falls karong adlaw nga Sabado Mayo 1, 2021.
Matud pa ni Soriano, personal niyang adtoon ang maong lugar aron masuta ang tinuoray nga situation niini atol sa iyang pagbukas.
Sumala pa ni Soriano, base sa ilang makita unya mohimo sila ug assessment uban ang mga opisyal sa lungsod ug sa hepe sa kapulisan may kalabutan sa mga kalihukan sa kawasan falls.
Lakip sa ilang susihon mao ang kahimtang sa hapsay ug kalinaw lakip na ang posibleng pagbutang og dugang pwersa sa kapolisan gawas sa gipakatap nga mga sakop sa tourist police.
Samtang suma pa ni Donald Villarin ang Municipal Tourism Officer nga nag andam na sila karon alang sa pagbukas sa maong waterfalls.
Gipaniguro nila nga masunod ang mga safety of health measures aron malikayan ang pagkatap sa COVID-19. —MEL (BANATNEWS)