^
Kaso sa COVID-19 sa Cebu City padayong nikunhod
Niabot ngadto sa 22,852 ang total cases sa sa siyudad human lakip niini ang 56 ka bag-ong kaso.
STAR/File

Kaso sa COVID-19 sa Cebu City padayong nikunhod

Decemay P. Padilla (Banat) - April 22, 2021 - 12:00am

CEBU, Philippines — Padayon nga nikunhod ang active cases sa COVID-19 sa Cebu City diin base sa datos nga gipagawas sa Department of Health-7 niadtong Martes  ang siyudad aduna na lang kini 861 ka active cases.

Niabot ngadto sa 22,852 ang total cases sa sa siyudad human lakip niini ang 56 ka bag-ong kaso.

Ang Cebu City nakatala og dugang 87 ka recoveries ug nikabat na ngadto sa 21,165 ang kinatibuk-ang recoveries sa siyudad ug 826 ang gidaghanon sa nangamatay.

Ang Mandaue City adunay 6,165 ka kinatibuk-ang kaso lakip niini ang 17 nga nadugang ug 514 ang active cases sa siyudad.

Niabot ngadto sa 5,445 ang recoveries sa siyudad lakip niini ang 57 nga ulahing nadugang ug 206 ang gidaghanon sa nangamatay.

Samtang ang Lapu-Lapu City aduna kini 6,048 ka kinatibuk-ang kaso lakip niini ang15 nga nadugang ug 763 ang active cases sa siyudad.

Ang siyudad aduna kini 5,131 ka recoveries lakip niini ang 76 nga nadugang ug 154 ang gidaghanon sa nangamatay.

Base usab sa datos sa DOH-7 ang Central Visayas adunay 53,855 ka kinatibuk-ang kaso; 3,973 ang active cases; 47,998 ang recoveries ug 1,884 ang nangamatay.

Sa laing bahin, gikan sa Marso 2020  hangtud sa Abril  2021, adunay 3,133 ka senior citizens sa Siyudad sa Sugbo ang nataptan og COVID-19.

Sa datos nga giduso sa Cebu City Emergency Operations Center (EOC) nikabat sa 14 porsyento ang gidaghanon sa mga tiguwang nga nagpositibo o 22,791.

Giingong sa 833 nga natala nga  nangamatay sa siyudad, 496 niini senior citizens o 60 porsyento sa gidaghanon sa nangamatay sa siyudad.

Base sa pasiunang pagtuon sa mga doktor sa EOC nga sa wala pa ang virus pipila ka tiguwang ang aduna nay sakit sama sa kidney ug kasingkasing nga duol kaayo sa mga komplikasyon. Hinuon nagpahigayon pa sila og lapad nga pagtuon niini.

Samtang sa Dakbayan sa Talisay naghinay-hinay na og saka ang gidaghanon sa barangay sa siyudad nga wala nay kaso sa COVID-19.

Kini human sa resulta nga nigawas niadtong Abril 19, 2021 diin lima ka barangay ang COVID free na nga gilangkuban sa Jaclupan, Manipis, Tapul, Lawaan 1 ug Tanke.

Ang Dakbayan sa Talisay gilangkuban kini sa 22 ka barangay. —Sanden J. Anadia, Gabriel C. Bonjoc/BDB (BANATNEWS)

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with