^

Bag-ong kaso sa Cebu City balik og sobra 100

Decemay P. Padilla (Banat) - April 16, 2021 - 12:00am

CEBU, Philippines — Human sa pila ka adlaw nga ang Cebu City niatala lang og tag two-digits nga gidaghanon sa bag-ong kaso sa coronavirus disease ang Cebu City, subli kining milapas og us aka gatos niadtong niadtong Miyerkules base sa datos sa Department of Health Central Visayas.

Nianang adlawa, ang siyudad nakatala og 112 ka bag-ong kaso hinungdan nga niabot na og 22,510 ang total cases niini ug ang 1,038 niini mga aktibong kaso.

Hinuon, 20,647 niini ang nangaayo na. Apan kung sa nanglabay mga adlaw mas daghan ang nangaayo itandi sa mga nadugang nga bag-o, mas gamay nasab karon ang nangaayo itandi sa bag-ong kaso.

Nianang adlawa 12 lang  nadugang  sa mga nangaayo, duna say usa nga napuno sa mga nakalas maong niabot na kini karon og 825.

Mas maayo ang sa Mandaue City tungod kay mas daghan ang nangaayo (55) itandi sa bag-ong napuno nga 30 ka mga kaso.

Mao usab ang Lapu-Lapu City  nga napun-an og 45 ka bag-ong kaso apan 119 sab ang ilang nangaayo.

Sa datos sa DOH-7, ang Central Visayas duna nay 52,655 total cases sa COVID-19; naa sa 4,304 ang active cases; 46,495 ang recoveries ug 1,856 ang deaths.

Samtang sa Dakbayan sa Talisay, nibalik na sab og lima ka barangay  nila ang nahimong Covid-free base sa talaan niadtong Abril 13 ning tuiga.

Niubos sab ang kaso ngadto na sa 73 ka katibong inay gikan kini sa 150. Sa 22 ka barangay sa Talisay, ang barangay Dumlog ang pinakadaghang kaso nga niabot sa 11.

Sa kinatibuk-an, 2,303 na ang kaso sa covid-19 sa Syudad sa Talisay apan ang nakarekuber naa sa 2092 nga adunay 138 nga nangamatay. Padayon nga gipahimangnoan ang Talisaynon sa pagtuman sa health protocols.  —Gabriel Bonjoc/IBM (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with