CEBU, Philippines — Gisirad-an na usab sugod niadtong Marso 30,2021ang viaduct sa South Road Properties (SRP) habig sa Dakbayan sa Sugbo nonot sa padayong pagtrabaho niini.
Si Mayor Gerald Anthony “Samsam” Gullas Jr. nipahibawo kabahin niini alang sa kasayuran sa motorista nga mobiyahe paingon sa Syudad sa Sugbo.
Ang pagsira magsugod sa alas 10 sa gabii hangtud sa alas 4 sa kadlawon.
Ang adlaw sa pagsira nagsugod sa Marso 30 hangtud na sa Abril 4 ning tuiga.
Giabisohan ang mga motorista sa eskedyul sa pagsira sa viaduct aron sila makapangandam sa ilang pagbiyahe.
Una niini daghan ang nangreklamo nga motorista sa miaging semana dihang gilugwayan sa kontraktor ang pagsira sa viaduct nga wala masayod ang taga Dakbayan sa Talisay.
Daghang reklamo ang nadawat sa mga opisyales hinungdan nga sila naghangyo sa kontraktor nga pahibaw-on sila daan sa higayon nga sirad-an kini. —MEL (BANATNEWS)