^
Pagdakop sa manigarilyo sa publikong lugar hingusgan
Suma pa sa pangulo sa Cebu City Environmental Sanitation Enforcement Team (CESET) nga si Grace Luardo nga hugtan nila ang pagpatuman sa anti-smoking ordinance aron mapanalipdan ang panglawas sa katawhan.
Philstar.com/File

Pagdakop sa manigarilyo sa publikong lugar hingusgan

Sanden J. Anadia (Banat) - January 26, 2021 - 12:00am

CEBU, Philippines — Hingusgan sa kagamhanan sa Siyudad sa Sugbo  ang kampanya pagsumpo sa mga tawong magpataka og bulhot og sigarilyo ilabi na sa mga pampublikong lugar.

Suma pa sa pangulo sa Cebu City Environmental Sanitation Enforcement Team   (CESET) nga si Grace Luardo nga hugtan nila ang pagpatuman sa anti-smoking ordinance aron mapanalipdan ang panglawas sa katawhan.

Nagkanayon si Luardo nga kun motuman lang gyud ang katawhan sa maong kampanya  daghan ang malikay sa sakit nga mahatag sa pagpanigarilyo sama sa sakit sa baga ug uban pa.

Pipila sa mga lugar nga gidili ang pagpanigarilyo mao ang bus stations, mga opisina sa gobyerno, eskwelahan, tambalanan, klinika, gasolinahan, ug uban pa.

"Naa gyud mi nabantayan sa mga kan-anan, kasagaran sa mga tawo nga manigarilyo kay kana gyud inighuman nila og kaon.Seguro mao na ang ilang buhaton kay pampawala daw sa loud. Pero, kun masakpan gani sila nga magpataka sila og panigarilyo, madakpan gyud sila" segun pa ni Luardo.

Ang mga balay patigayon kinahanglan gyud magbutang og smoking areas apan kinahanglan nga layo kini sa mga tawo.

Mokabat sa P2, 000 ang multa sa makalapas sa maong ordinansa ug dili na nila dawaton ang community service.

Gawas sa pagpataka og pagpanigarilyo, hingusgan usab ang pagdakop sa mga tawo nga magpataka og labay sa ilang mga basura. —MEL (BANATNEWS)

ARRESTED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with