CEBU, Philippines — Dul-an sa 27 milyones pesos nga balor sa illegal nga drugas ang nasakmit sa kapolisan sa duha ka semana nga operation sa Police Regional Office 7 sukad niadtong Enero 1-18, 2021. Ang PRO 7 nakasikop ug 299 ka mga suspek sa illegal nga drugas, diin nakasakmit sila ug 3,173.76 grams sa shabu nga mobalor ug 21,581,568.
Mokabat usab ug 20,600 kabuok nubain ampules ang nasakmit ug upat ka mga armas gikan usab sa mga drug pushers
111 ka loose firearms ang ilang nakuha sulod sa 104 ka operations ug nakasikop og 26 ka mga suspetsado ug 542 ang nasikop sa illegal gambling.
Ang Rehiyonal nga Director sa PRO 7 Police B/Gen Ronnie Montejo, nidayeg sa iyang mga sakop tungod kay bisan sa hulga sa covid-19 padayon gihapon sa ilang trabaho.