CCPO nagtinguha sa pagbalik sa BCP
CEBU, Philippines — Gitinguha karon sa kapolisan sa Dakbayan sa Sugbo nga ibalik ang barangay control points human nga nagsige na usab og saka ang kaso sa COVID-19 sa Dakbayan sa Sugbo.
Kini ang gibutyag ni Police Colone; Josefino Ligan, direktor sa Cebu City Police Office atol sa press conference nga gipahigayon niini kagahapon sa buntag.
Matud ni Ligan nga makigtagbo sila uban sa Emergency Operations Center ug sa mga kapitan alang sa tinguha sa pagbalik sa mga BCP.
Gibutyag ni Ligan nga 40 ka barangay ang ibalik ang BCP ug tutokan usab nila kadtong mga barangay nga walay pag-ubos ang kaso sa COVID-19 sulod na sa pipila ka adlaw.
Gibutyag ni Ligan nga ang BCP pagadumalaon kini sa kapolisan ug barangay tanod diin mopahigayon usab sila og mga rekorida sa lugar lakip ang pagsusi sa mga quarantine pass sa manggawas ug kinahanglang nakatuman sila sa tanan mga health protocols.
Si Ligan nagkanayon nga ilahang ibalik ang BCP tungod kay nakita nila nga susama og gibaliwala na lang sa mga tawo ang COVID-19 ug nikompiyansa kini sila human sa taho nga aduna nay vaccine niini.
Nasayran nga 100 ka polis ang modumala sa BCP sulod sa duha ka hugna uban sa abag sa mga tanod.
Si Ligan niawhag sa katawhan nga mosunod sa tanang gipatuman nga health protocols.
Dugang ni Ligan nga kadtong dili motuman sa health protocols sikopon nila kini. —BDB (BANATNEWS)
- Latest