CEBU, Philippines — Nikabat ngadto sa 79 ka bag-ong kaso sa COVID-19 ang nadugang sa Central Visayas niadtomg Enero 17, 2021.
Base sa case bulletin sa Department of Health (DOH)-7 44 niini gikan sa Cebu City, tulo sa Lapu-Lapu City, siyam sa Mandaue City, 16 sa Probinsiya sa Sugbo, ug pito sa Negros Oriental. Ang active cases anaa sa 1,792 samtang ang recoveries anaa sa 23,154.
Ang cumlative total sa COVID-19 cases sa region-7 anaa sa 26,396 ug 1,450 ang namatay. Subay niini, lakip sa nataptan sa virus ang pito pa ka bulan nga bata sa Barangay Pagsabungan, Dakbayan sa Mandaue. Kini base sa report sa Public Information Office (PIO) sa siyudad.
Ang siyudad adunay 109 ka aktibong kaso, 2,380 ang recoveries ug 172 ang gidaghanon sa mga namatay.
Base usab sa report sa PIO nga upat ang bag-ong kaso sa Barangay Looc, samtang tag-usa ka kaso sa Barangay Jagobiao, Pagsabungan, Guizo, Banilad, Casuntingan ug Maguikay.
Nunot niini, ang mga personnel sa City Disaster Risk Reduction and Management Office (CDRRMO) ang nagpahigayon og decontamination diha sa mga dapit nga gipuy-an sa mga nataptan sa virus ug ingon man ang pagpahigayon og contact tracing sa mga nakapaduol sa nahisgotanga mga pasyente. —Decemay P. Padilla, Romeo T. Limpangog/BDB (BANATNEWS)