Gwen uyon nga ibalik ang international flights sa MCIA

Cebu, Philippines — Uyon si Cebu Governor Gwendolyn Garcia sa tinguha ni Lapu-Lapu City Mayor Junard "Ahong" Chan nga ibalik na ang international flights diha sa Mactan Cebu International Airport.

Si Chan atol sa webinar nga gipasiugdahan sa Lapu-Lapu City Tourism, Cultural and Historical Affairs Commission (TCHAC) kalabot sa online seminar alang sa tourism stakeholders, niawhag sa mga mayor sa tri-cities apil na kang Garcia ug sa Inter-Agency Task Force (IATF) sa pagbalik sa international flights.

We appeal to them to help us lobby for the resumption of international flights to ferry tourists to help us revive the ailing hospitality and tourism industry in our cities and in the entire province,” suma pa ni Chan.

Si Garcia sa iyang bahin miingon nga bisan siya, niuna og bukas sa turismo sa Probinsya ug gani gitinguha sa Kapitolyo ang pag dawat usab sa mga turista gikan sa ubang Probinsya sa Central Visayas.

"I will join Mayor Ahong also in that aspect for as long as we are able to lay down the guidelines that would govern the entry of foreign tourists" mauod ni Garcia. ( BANAT NEWS)