Cebu, Philippines — Durogista patay human gikatahong misukol og nakig pinusilay sa gipahigayon nga buybust operation sa Provincial Intelligence Unit ( PIU CPPO) Miyerkules sa kadlawon didto sa Brgy. Cogon, Cordova, Cebu.
Ang suspetsado giila nga si Edmar Buensisiso Mahinay alyas "Tatay" hingkod ang panuigon og residente sa Barangay Tipolo Siyudad sa Mandaue. Narekober sa patay nga lawas sa suspetsado ang usa ka kalibre 45 nga pistola, 15 gramos sa nag kadaiyang putos sa gidudahang shabu nga mo-balor og P102, 000 pesos.
Samtang nasakmit sa kapolisan ang kantidad nga P347, 800 nga balor sa shabu gikan sa upat ka mga pusher.
lakip sa nadakpan mao ang high value target nga si Andy Esgana, 29 anyos nga taga Sitio Ubos Pundok, Basak Pardo sa Dakbayan sa Sugbo.
Samtang sa gihimong operasyon sa Presinto 5 sa LLCPO ila usab nadakpan sila si Leonardo Fernan Moralde, 50 anyos nga taga Sitio Makianganyon, sa Barangay Tipolo sa Dakbayan sa Mandaue ug Joshua Pacencia Moralde, 24 anyos, nga usa ka construction worker ug usa ka babaye nga si Angelica Daclan, 33 ,taga Sitio Mahayahay, Tisa sa Barangay Labangon Dakbayan sa Sugbo.
Laing buy bust operation sa Zone 3 Barangay Buaya sa Dakbayan sa Lapu-Lapu sa miaging tungang gabi nasikop usab mao si Lester Cabasa Semense 38 anyos nga usa ka trisikad driver.
Ang maong mga dinakpan temporaryo nga gitanggong sa bilangguan sa LLCPO headquarters. — Romeo T. Limpangog ( BANAT NEWS)