5 mil gadgets gihatag para sa senior high sa Mandaue City

CEBU, Philippines — Ang Dakbayan sa Mandaue nanghatag og libreng touch screen tablets ngadto saa mga senior high school nga mga tinun-an sa dakbayan.

Si Dr. Salustiano Jimenez, Regional Director sa Department of Esucation  (DepEd) 7 miingon nga ang maong lokal nga kagamhanan pa lamang sa Central Visayas ang nakahimo niini.

Iyang gipasalamatan ang mga opisyal sa kagamhanan sa Dakbayan sa Mandaue nga gipangulohan ni Mayor Jonas Cortes sa ilang gihimo.

Gipangulohan ni Cortes ang pagtugyan sa 5,000 ka mga multi-touch screen nga mga tablets ngadto sa DepEd-Mandaue City Division nga libre.

Kini ihatag ngadto sa mga senior high school nga mga tinun-an sa publikong tulunghaan.

"We need to give the best education sa atong mga kabataan because they deserved the best kay mao ni atong kaugmaon…We need  to give quality education even in the middle of the pandemic," matud pang Cortes.

Si Atty. John Eddu Ibañez nga maoy executive secretary ni Cortes miingon nga ang makadawat sa mga gadgets dili mahimong mohatag o mobaligya niini ngadto sa lain tungod kay dili man mabalhin ang pagpanag-iya niini.

Ipauli sab ang maong mga gadgets pagtapos usab sa klase karong tuiga.

Gawas sa 15,000 ka mga tablets manghatag sab sila og 623 ka mga laptops ngadto sa mga pampublikong magtutudlo sa dakbayan.

Ang DepEd sa Mandaue City Division adunay natala nga 68, 977 ka mga tinun-an sa tanan sa pangpublikong tulunghaan karong tuiga ug 5,104 niini ang mga tinun-an sa senior high school. —IBM (BANATNEWS)