Mananagat sa Madredijos wa maapektohi sa pandemya

CEBU, Philippines — Kun ang ubang sektor grabe nga naapektuhan sa pandemya sa coronavirus disease, ang mga mananagat sa Lungsod sa Madridejos nakapadayon ra sa ilang panginabuhian. Kini suma pa ni Mayor Salvador Dela Fuente. “Actually ang mga mananagat wala gyud maapektohi sa pandemic in fact lipay man gani ang mga mananagat kay nimahal ang isda, kadto during pandemic, naay social media magamit, nitaas ang demand”.

Gani matud sa Mayor nga mo-export sila og seafoods ngadto sa gawas sa Estados Unidos sama sa scallops ug crab meats.

“Ga- export ni namo ang crab. Diri lang gi picking sa Madridejos, and then isulod ni sya sa plastic container kaning gagmay nga tupperware, dad-on ni sya didto sa Cordova unya adto na ni sya ipasturized” matod ni Dela Fuente. Ang mayor nagkanayon nga kun peak season, moabot ngadto sa 60, 000 ka kilos sa scallops ang ilang ma- produce matag bulan. Samtang ang crab meat moabot sa duha ka tonelada matag adlaw ang ma produce kun peak season apan usa ra ka tonelada matag adlaw kun dili season. —MEL (BANATNEWS)