Cash assistance sa seniors ihatag ikaduhang semana sa Disyembre
CEBU, Philippines — Gipahibalo ni Mayor Edgardo Labella kagahapon nga sugdan na sa ikaduhang semana sa Disyembre ang pag-apod apod sa financial assistance sa mga senior citizen sa Dakbayan sa Sugbo.
Gituyo kini sa mayor aron duna gyuy kuwarta ang katiguwangan ini’g sugat sa Pasko. Madawat sa mga benepisaryo ang bali’g upat ka buwan nga hatagan , busa moabot og P4 mil ang ilang dawatonon.
Sumala pa sa mayor nga ihatud ra matag balay ang kuwarta alang sa kaluwasan sa mga tiguwang ilabi na nga panahon karon sa pandemya.
Nagkanayon si Labella nga wala pa nahuman og himo ang cash cards sa Land Bank of the Philippines busa ang tibouk kuwarta gyud ang ilang madawat sunod buwan.
Sa pagkakaron 20,000 pa ang cash cards nga nahuman samtang ang rehistradong senior citizens sa siyudad moabot ngadto sa kapin sa 80,000.
Hinuon anam-anam ang pagapod-apod sa mga nahuman na nga mga cards. Pinaagi sa cash cards makuha na sa mga senior citizens ang financial assistance sa mga ATM. (BANAT NEWS)
- Latest
