Mga tripulante sa barko positibo sa COVID-19

Karong bulana lamang adunay daghang mga tripulante sa mga barko nga napositibo sa Covid-19. Tungod niini ang EOC mipatawag sa mga tagdumala sa mga shipping lines.
The STAR/Michael Varcas

CEBU, Philippines — Gibansay karon sa Emergency Operations Center (EOC) ang mga health infectious prevention control officers (HIPCO) sa mga nagkalian-laing barko ug ubang establisimento aron malikayan ang posibleng pagkatap sa Covid 19 virus diha sa ilang mga trabahoan.

Karong bulana lamang adunay daghang mga tripulante sa mga barko nga napositibo sa Covid-19. Tungod niini ang EOC mipatawag sa mga tagdumala sa mga shipping lines.

Bisan kung ang mga tripulante dili residente sa dakbayan giisip sa EOC nga kinahanglan ang mga HIPCOS tungod kay dinhi man sila nagdunggo.

Matud ni EOC Deputy Chief Implementer ug konsehal sa siyudad nga si Joel Garganera miingon nga  mahinungdanon kaayo nga dunay mga HIPCOs kining mga barko.

Kinahanglan kaayo sila alang sa koordinasyon ug sa contact tracing u gang pagpatuman sa health protocols sa diha ilang mga barko aron mapugngan ang pagkaylap sa virus.

Dili lang ang mga barko ang kinahanglang magbutang og HIPCOs, sanglit ang tanang mga malls, arcade centers ug uban pang mga balay patigayon nga adunay daghang mga tawo kinahanglan sab adunay kaugalingong HIPCO nga magbantay kada adlaw.

"Sunod nga lakang mao nga unta ang mga mall, arcade, ug uban nga aduna na pud silay kaugalingong mga HIPCOs para makig-alayon sa EOC kung adunay interbensyon sama sa contact tracing, swabbing ug segmented lockdowns, ”dugang pagpasabot ni Garganera. —IBM (BANAT NEWS)

Show comments