CEBU, Philippines — Mga proyektong nasugdan ni anhing Kong. Raul del Mar sa north district sa Dakbayan sa Sugbo padayunon gihapon sumala pang Mayor Edgar Labella.
Si Labella namahayag nga sagunson ang ilang komunikasyon sa caretaker sa distrito nga si House Speaker Lord Allan Velasco.
Sumala pa sa mayor magtigom sila ni Velasco sa umaabot nga mga adlaw ug hisgotan ang umulon nga mga proyekto niini.
Matud pa niya nga dili gyud mawala ang mga imprastraktura ug ipadayon usab ni Velasco ang mga proyekto o programa nga nasugdan sa nipanaw nga si del Mar. Si Velasco maoy gitudlong caretaker sa distrito pinaagi sa motion ni Deputy Majority Leader Xavier Romualdo.
Una na nga gihangop sa mayor ang appointment ni Velasco isip caretaker sa north district gumikan kay dili basta-basta ang kanindot sa record niini. —IBM (BANATNEWS)