Mga sinehan dili pa ka operate karong tuiga
Kini maoy gibutyag ni Konsehal Phillip Zafra kinsa usa sa mga naghupot sa task force nga maoy nagtuon niini ug gitahasan nga mohimo og guidelines kong maka-operate na og balik ang mga sinehan.
Philstar/File
Mga sinehan dili pa ka operate karong tuiga
Sanden J. Anadia (Banat) - November 19, 2020 - 12:00am

CEBU, Philippines — Ang operasyon sa mga sinehan sa Dakbayan sa Sugbo wala pay kasigurohan nga makabalik karong tuiga gumikan sa nagpadayong hulga sa COVID-19.

Kini maoy gibutyag ni Konsehal Phillip Zafra kinsa usa sa mga naghupot sa task force nga maoy nagtuon niini ug gitahasan nga mohimo og guidelines kong maka-operate na og balik ang mga sinehan.

Matud ni Zafra nga malangan pa ang pag-operate sa mga sinehan tungod kay dugokonon kini og mga tawo ug dili haom ang panahon alang niini.

“Ato lang sa na ipadaplin, kay kong ma-okay na ang panahon, siguro diha pa sila makabalik og operate. Kun maghisgot man gud ta og sinehan, medyo dugokonon pa siya og mga tawo”, ni Zafra pa.

Giangkon ni Zafra nga apektado gyud niini ang film industry sa nasud apan importante usab karong panahona ang kaluwasan sa katawhan.

Sa niaging buwan, nagtagbo ang opisyales sa kagamhanan sa siyudad ug mga representante sa malls diin gituki nila ang maong katuyoan.

Nasayran nga ubos sa modified general community quarantine gitugutan na sa pag-abli ang mga sinehan apan dinhi sa Cebu City bisan paman og aduna nay pagtugot gikan sa Inter-Agency Task Force wala una nila kini tugoti tungod kay istrikto nila nga ipatuman ang minimum health protocols.

Adunay request kaniadto gikan sa Cebu Chamber of Commerce and Industry(CCCI) ingon man sa cinema operators nga moabli sila base sa health protocols nga giisyu sa IATF nga 50 porsyento nga kapasidad sa sinehan. —BDB (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with