CEBU, Philippines — Nasikop atol sa gipahigayong anti-drug operation sa Station Drug Enforcement Unit (SDEU) sa Abellana Police Station ang usa ka suspetsadong drug pusher kagahapon sa hapon diha sa Barangay Capitol Site, Dakbayan sa Sugbo.
Si Police Major Elisando Quijano, hepe sa Abellana Police Station nagkanayon nga duha ka semana nilang gipanid-an ang ilegal nga kalihokan ni Jara Arieta Solina, 39, residente sa maong dapit diin gikonsiderar kini nga high value individual ug nalakip sa drug watch list sa regional level. Giingong si Solina maka-dispose kini og 100 gramos nga shabu matag semana.
Si Solina nasakmitan kini og 100 gramos nga shabu nga nikantidad tanan ngadto sa P680,000 ug buy bust money nga P16,000.
Sa laing babhin, walay girekomndar nga piyansa alang sa temporaryong kagawasan ang korte sa duha ka drug pusher kinsa nadakpan sa buy bust operation sa kapolisan sa Barangay San Roque,Lungsod sa Liloan.
Si Alfredo Hatamosa ug Eduardo Oncenes, parehong hingkod ang panuigon ug residente sa maong dapit ang gipasakaan og kasong kalapasan sa Section 5, Article 2 sa Akta Republika 9165 kun “Comprehensive Dangerous Drugs Act of 2002. Gikatahong si Hatamosa ug Oncenes nasakmitan og mga pinutos nga shabu niadtong higayona. – Romeo T. Limpangog/BDB (BANATNEWS)