CEBU, Philippines — Usa ka Sugbuanong pari ang gihinganlan ni Pope Francis isip Papal Chaplain o miyembro sa Papal Household.
Usa ka pari kinsa gihatagan og titulo sa Santo Papa diin pagatawgon siya og monsignor ug adunay mga pribilihiyo ilabi na sa ilang mga sul-obon nga ecclesiastical dress ug vestment
Si Monsignor Jan Thomas Limchua ang pinakabata nga monsignor kinsa nitapos sa iyang theological studies sa Faculty of Theology sa University of Navarre Pamplona Spain, ug giordinahan pagkapari sa Archdiocese of Cebu niadtong tuig 2010.
Sayo karong tuiga si Limchua gitudlo isip official of the section for the Relations with States of the Holy See sa Vatican’s Secretary of State His Eminence Pieto Cardinal Parolin.
Ang appointment ni Limchua gihangop ug gikalipay sa pamilya niini, higala ug sa mga Sugbuanon. /BDB (BANATNEWS)