Naa pa ang virus-Labella
Decemay P. Padilla (Banat) - October 20, 2020 - 12:00am

CEBU, Philippines — Mosanong si Cebu City Mayor Edgardo Labella sa pagtugot na sa Inter-Agency Task Force(IATF) nga paubsan ang restriksyon sa edad sa mga mamahimong makagawas ubos sa quarantine. Ang IATF mirekomendar nga mamahimo ng makagawas sa balay ang mga nag-edad og 15 anyos ngadto na sa 65 anyos nga sa nanglabay’ng pito ka buwan gidid-an makagawas tungod sa pandemiya.

Si Labella mipahibalo nga agi og pagsanong niini mohimo siya og komprehensibong Executive Order nga mo-cover sa tanang bag-ong guidelines nga gipagawas sa IATF.

Apan iyang gihimug-atan nga bisan og gitugutan ang mga nag-edad og 15 anyos ngadto sa 65 anyos nga dili gihapon sila basta-basta lang mogawas kun dili importanteng katuyoan sa gawas.

“Kung lulinghayaw lang, kung nakaagwanta ta sa pila ka buwan way rason nga dili kita makaagwanta niiing umaabot nga mga adlaw. The virus is still very much around, we are still under quarantine, even if we say nga allowed nga makagawas but it does not follow nga mawala na ang virus, naa man gihapon. The general rule is stay home, you only go out if there is an essential purpose,” pasabot ni Labella.

Miapelar si Labella sa mga 15 anyos ngadto na sa 65 anyos nga wala magpasabot nga gitugotan na silang makagawas mahimo na nila kining himuong pasangil aron maglaag-laag.

Sumala pa sa mayor dili unta kini abusaran ug kanunay timan-an nga naa pa ang virus ug mahimong nila kining makuha ug madala sa ilang panimalay ingon man sa ubang tawo.

Giangkon ni Labella naa kanunay ang iyahang kabalaka nga basin og mosaka og balik ang kaso ilabi na ang Cebu City nakaagi na kaniadto og kalit nga pagsulbong sa mga kaso.

Niadtong naghinapos nga bulan sa Mayo gipaubos sa general community quarantine ang siyudad, milugak ang pagpatuman sa health protocols, daghang nanggawas misulbong ang kaso sa coronavirus disease (COVID)-2019 ug nahimong ‘epicenter’ sa maong sakit ang siyudad hangtud Hulyo.

Kini maoy rason nganong buot ni Labella nga ibutang sa kasing-kasing sa tanan nga ang virus naa pa ug nagpabiling peligro sa katawhan. /IBM (BANATNEWS)

IATF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with