CEBU, Philippines — Tulo ka mga gidudahang durugista ang nadakpan sa buybust operation sa Provincial Intelligence Unit ( PIU) pinangulohan ni Police Lieutenant Colonel Randy Korret Biyernes sa kaadlawon diha sa Purok Nangka, Brgy. Estaca, Lungsod sa Compostela .
Ang mga dinakpan giila mao sila si Eduardo Templa Sambilad alyas “Edie”,38,Marjorie Apas Danlag, alyas “Inday”,43, pulos anaa sa drug watchlist provincial level ug si Dongelito Torion Armado alyas “Donge”, 43.
Matud pa ni Korret nga kapin usa ka buwan nilang gimonitor ang kalihokan sa mga dinakpan kansang operasyon aboty sa Syudad sa Danao paingon sa Dakbayan sa Sugbo.
Giingong naa sa prisohan ang kontak sa mga dinakpan nga mao say tinubdan nila sa maong drugas.
Ang mga dinakpan nakuhaan og 105 gramos nga gidudahang shabu mobalor og P714 mil. Ang tulo pasakaan og kasong kalapasan sa Sec. 5 Sec.11 Art 2 RA 9165. /IBM (BANATNEWS)